Azərbaycanlı FİFA referisi Əliyar Ağayev Yunanıstan Super Liqasının oyununu idarə edib.
Arena.az xəbər verir ki, o, çempionluq qrupunun 2-ci turunun “Panatinaikos” – PAOK matçının baş hakimi olub.
Görüş meydan sahiblərinin 3:0 hesablı qələbəsiylə başa çatıb. Ağayev meydan sahiblərinin 3, qonaqların isə 4 futbolçusuna sarı vərəqə göstərib.
Əliyar Ağayevə bu qarşılaşmada yan xətt hakimləri Zeynal Zeynalovla Akif Əmirəli kömək edib.
Yunanıstan Super Liqasında “Olimpiakos” komandası 73 xalla liderdir. PAOK 50 xalla 3-cü, “Panatinaikos” isə 49 xalla 4-cü sıradadır.
Xatırladaq ki, Əliyar Ağayev Yunanıstan Super Liqasında daha öncə də bir neçə oyun idarə edib.
