“Sabah”ın qazaxıstanlı qapıçısı Stas Pokatilov UEFA Çempionlar Liqasında Liqa mərhələsinin 2-ci turunun rəmzi heyətinə daxil edilib.
Arena.az xəbər verir ki, bu barədə UEFA-nın mətbuat xidməti məlumat yayıb.
Rəmzi yığmada müdafiəçilər Fredrik Şevold (“Bodo Qlimt”), Yeff Şabo (“Ştutqart”), Henrik Falxener (“Vikinq”) və Maksimiliano Arauxo (“Sportinq”) yer alıblar. Yarımmüdafiəçilər arasında Vitinya (PSJ) və Joan Manzambi (“Aston Villa”), hücumçulardan isə Lamin Yamal (“Barselona”), Bredli Barkola (“Liverpul”), Harri Keyn (“Bayern”) və Nikolo Tresoldi (“Brügge”) rəmzi heyətə daxil ediliblər.
Xatırladaq ki, “Sabah” UEFA Çempionlar Liqasının Liqa mərhələsinin 2-ci turunda doğma meydanda Çexiyanın “Slaviya” (Praqa) komandasını 2:0 hesabı ilə məğlub edib.
Stas Pokatilov UEFA Çempionlar Liqasının Liqa mərhələsində 2 turdan sonra ən çox qurtarış edən qapıçılar arasında ilk beşlikdədir. Qazaxıstan millisinin üzvü ilk 2 turda 11 qurtarış edib. O, bu göstəricidə Madrid “Real”ının qapıçısı Tibo Kurtua ilə 4-5-ci yerləri bölüşür. Siyahıya 14 qurtarışla “Brügge”nin qapıçısı Yan Zommer və Bratislava “Slovan”ının qolkiperi Dominik Takaç başçılıq edirlər. Üçüncü pillədə isə 12 seyvlə “Portu”nun qapıçısı Dioqo Kosta qərarlaşıb.
