“Qarabağ”ın futbol üzrə Azərbaycan Premyer Liqasında daha bir oyununun vaxtı dəyişdirilib. Arena.az xəbər verir ki, bu barədə Peşəkar Futbol Liqasının rəsmi saytı məlumat yayıb.
Xəbərdə bildirilir ki, Ağdam təmsilçisinin 33-cü turda “Qəbələ”yə qarşı keçirəcəyi oyun öncədən nəzərdə tutulduğu kimi, aprelin 6-da keçirilməyəcək.
Bunun səbəbi 32-ci turun “Neftçi” – “Qarabağ” görüşünün aprelin 30-dan mayın 2-nə təxirə salınmasıdır. Bu üzdən ağdamlıların bir tur sonra “Qəbələ” ilə ev qarşılaşmasının da mayın 8-də oynanılması qərara alınıb.
“Azersun Arena”da baş tutacaq “Qarabağ” – “Qəbələ” oyununa saat 20:00-da start veriləcək.
