“Bayern”in baş məşqçisi Tomas Tuxel Bundesliqanın 18-ci turunda evdə Berlin “Union”u üzərində çətin qələbəsini (1:0) şərh edib.
Arena.az Münhen klubunun rəsmi saytına istinadən, alman mütəxəssisin bu barədə fikirlərini təqdim edir:
“Biz oyuna qatılmışdıq, qurulmuş və intizamlı oynadıq. “Union Berlin” çox dərindən müdafiə olunurdu. Biz əks-hücumlar keçirmədik. “Union Berlin”in oyunun ən sonunda imkanı vardı, amma qalan hallarda çox sabit idik. Oyuna nəzarət edirdik, amma ikinci qolu vura bilmədik. Bir qol vursaydıq, daha bir neçə qol vura bilərdik.
Ümumilikdə bu gün yaxşı oyun nümayiş etdirdik. Bu, bremenlilərin oyunun əvvəlindən əks-hücumlar imkanı olduğu bazar günündəki oyundan tamamilə fərqli bir çıxış idi”, deyə Tomas Tuxel bildirib.
Xatırladaq ki, yanvarın 21-də keçirilmiş oyunda “Verder” “Bayern”ə səfərdə 1:0 hesabı ilə gözlənilmədən qalib gəlmişdi.
Hazırda, “Bayern” Bundesliqanın 18 turundan sonra 44 xalla turnir cədvəlinin 2-ci pilləsində qərarlaşıb. Bundesliqaya 48 xalla Xabi Alonsonun “Bayer”i başçılıq edir.
