Almaniya Bundesliqasının ən bahalı oyunçuları açıqlandı

“Transfermarkt” internet-portalı Almaniya Bundesliqasının ən bahalı futbolçularının yenilənmiş siyahısını təqdim edib.

Arena.az məlumat verir ki, ilk onluğun zirvəsində “Bayern” iki futbolçusu – ingilis mərkəz hücumçu Harri Keyn və almaniyalı hücumameylli yarımmüdafiəçi Camal Musiala yer alıblar.

Hər iki futbolçunun transfer dəyəri 110 milyon avro məbləğindədir.
Vurğulayaq ki, ilk onluqda Almaniya nəhəngi “Bayern”in 8 futbolçusu yer alıb. “Leypsiq”in və Bundesliqanın çempionluğa doğru inamla irəliləyən vahid lideri Leverkuzen “Bayer”inin müvafiq onluqda cəmi bircə futbolçusu yer alıb.

Almaniya Bundesliqanın ən bahalı futbolçulardan ibarət ilk onluğu təqdim edirik:

1. Harri Keyn (“Bayern”, 110 milyon avro);
2. Camal Musiala (“Bayern”, 110 milyon avro);
3. Florian Virts (“Bayer”, 100 milyon avro);
4. Leroy Sane (“Bayern”, 80 milyon avro);
5. Yozua Kimmix (“Bayern”, 75 milyon avro);
6. Alfonso Deyvis (“Bayern”, 70 milyon avro);
7. Xavi Simons (“Leypsiq”, 70 milyon avro);
8. Kinqli Koman (“Bayern”, 65 milyon avro);
9. Matteys de Liqt (“Bayern”, 65 milyon avro);
10. Dayoçankul Upamekano (“Bayern”, 60 milyon avro).