Futbol üzrə İtaliya çempionatında (A Seriyası) 9-cu turun oyunları keçirilir. Arena.az xəbər verir ki, ikinci oyun günündə daha 6 qarşılaşma baş tutub.
“Torino” – “Empoli” matçında tərəflər hərəyə 1 qol və 1 xalla kifayətləniblər. “Montsa” “Spetsiya”nı, “Salernitana” isə “Verona”nı məğlub yola salıb.
Bu mövsümdə uğurlu çıxışı ilə seçilən “Udineze” doğma meydanda “Atalanta” ilə qarşılaşıb. Dörd qolun qeydə alındığı matçda meydan sahibləri 0:2 uduzduqları halda, meydanı 1 xalla tərk etməyə nail olublar. Səfərdə “Kremoneze” ilə qarşılaşan “Napoli” bu dəfə də darmadağına sevinib. “Roma” isə “Leççe” ilə ev oyunundan çətin qələbə ilə ayrılıb.
Tura 10 oktyabrda keçiriləcək “Fiorentina” – “Latsio” matçı ilə yekun vurulacaq.
İtaliya A Seriyası
9-cu tur
8 oktyabr
Sassuolo – İnter 1:2
Qol: Frattezi, 60 – Dzeko, 44; 75.
Milan – Yuventus 2:0
Qol: Tomori, 45+1. B.Dias, 54.
Bolonya – Sampdoriya 1:1
Qol: N.Dominqes, 32 – Dyuriçiç, 72.
9 oktyabr
Torino – Empoli 1:1
Qol: Lukiç, 90 – Destro, 49.
Montsa – Spetsiya 2:0
Qol: Auqusto, 32. Mari, 63.
Salernitana – Verona 2:1
Qol: Pyontek, 18. Dia, 90+4 – Depaoli, 56.
Udineze – Atalanta 2:2
Qol: Deulofeu, 67. N.Peres, 78 – Lukman, 36. Muriel, 56-pen.
Kremoneze – Napoli 1:4
Qol: Dessers, 47 – Politano, 26-pen. Simeone, 76. Lozano, 90+3. M.Oliveyra, 90+5.
Roma – Leççe 2:1
Qol: Smollinq, 6. Dibala, 48-pen – Strefetsa, 39.
10 oktyabr
22:45. Fiorentina – Latsio
