A Seriyasının ən bahalı oyunçuları açıqlandı

Nüfuzlu “Transfermarkt” internet-portalı aralıq yenilənmə üzrə İtaliya A Seriyasının ən bahalı oyunçularının siyahısını açıqlayıb.

Arena.az məlumat verir ki, siyahının zirvəsində “İnter”in argentinalı mərkəz hücumçusu Lautaro Martines yer alıb.

Martinesin transfer dəyəri 110 milyon avro məbləğindədir.

2-ci və 3-cü yerləri “Napoli”nin gürcü cinah hücumçusu Xviça Kvaratsxeliya və “İnter”in italyan mərkəz yarımmüdafiəçisi Nikola Barella bölüşürlər. Futbolçuların hər birinin transfer dəyəri 80 milyon avro məbləğində qiymətləndirilir.

“Transfermarkt” internet-portalına görə İtaliya A Seriyasının ən bahalı oyunçularının onluğunu təqdim edirik:

1. Lautaro Martines (“İnter”) – 110 milyon avro;
2. Xviça Kvaratsxeliya (“Napoli”) – 80 milyon avro;
3. Nikola Barella (“İnter”) – 80 milyon avro;
4. Rafael Leao (“Milan”) – 75 milyon avro;
5. Alessandro Bastoni (“İnter”) – 70 milyon avro;
6. Markus Türam (“İnter”) – 65 milyon avro;
7. Duşan Vlahoviç (“Yuventus”) – 65 milyon avro;
8. Teo Ernandes (“Milan”) – 60 milyon avro;
9. Bremer (“Yuventus”) – 60 milyon avro;
10. Duqlas Luis (Yuventus) – 55 milyon avro.