Bu gün Azərbaycan Basketbol Liqasında (ABL) 2025/2026-cı illər mövsümünün 1/4 final mərhələsinin ikinci oyunlarına start verilib.
Arena.az xəbər verir ki, ilk oyun günündə iki qarşılaşma baş tutub.
“Ordu” “Gəncə”nin qonağı olub. Gəncə İdman Sarayında baş tutmuş görüş meydan sahiblərinin qələbəsi ilə bitib – 85:78.
Xatırladaq ki, ilk görüşdə “hərbçilər” üstün olmuşdular – 108:106.
Günün ikinci matçında NTD və “Neftçi” komandaları münasibətlərə aydınlıq gətiriblər. Bakı İdman Sarayında keçirilmiş bu görüşdə də “Neftçi” 119:99 hesablı qələbəyə sevinib.
Bu komandaların ilk görüşündə də NTD qalib gəlmişdi – 97:94.
Beləliklə, hər iki cütdə yarımfinala yüksələcək komanda üçüncü görüşdə müəyyənləşəcək.
Xatırladaq ki, ABL-də 1/4 final mərhələsinin digər qarşılaşmaları aprelin 17-də baş tutacaq. Cütlərdə iki qələbəyə daha tez çatan tərəf yarımfinala yüksələcək.
