Bu il Almaniyada keçiriləcək futbol üzrə Avropa çempionatının (AÇ-2024) final mərhələsinin son üç iştirakçısı bu gün bəlli olacaq.
Arena.az xəbər verir ki, pley-offun finalında Gürcüstan – Yunanıstan, Ukrayna – İslandiya və Polşa – Uels oyunları baş tutacaq.
Qələbə qazanan yığmalar Avropa çempionatının final mərhələsinə vəsiqə qazanacaqlar.
AÇ-2024
Pley-offun final görüşləri
26 mart
21:00. Gürcüstan – Yunanıstan
23:45. Ukrayna – İslandiya
23:45. Polşa – Uels
Gürcüstan – Yunanıstan cütünün qalibi F qrupunda Portuqaliya, Türkiyə, Çexiya yığmalarına rəqib olacaq. Ukrayna – İslandiya duelinin güclüsü E qrupunda Belçika, Rumıniya və Slovakiya yığmaları ilə üz-üzə gələcək. Polşa – Uels matçında sevinən tərəf isə D qrupunda Fransa, Avstriya və Niderlandla qarşılaşacaq.
Xatırladaq ki, Avropa çempionatı 14 iyun – 14 iyul aralığında Almaniyanın 10 şəhərində təşkil olunacaq.
