21 yaşadək futbolçulardan ibarət Azərbaycan millisinin AÇ-2025-in seçmə mərhələsində Serbiya ilə matçının başlama saatı müəyyənləşib.
Arena.az xəbər verir ki, bu barədə AFFA-nın rəsmi saytı məlumat yayıb.
Xəbərdə bildirilir ki, Azərbaycan yığması səfər matçına sentyabrın 12-də çıxacaq. Oyun Serbiya Futbol Federasiyasının Stara Pazova şəhərində yerləşən İdman Mərkəzində keçiriləcək. Qrupun ilk qarşılaşması Bakı vaxtı ilə saat 22:00-da start götürəcək.
Xatırladaq ki, Azərbaycan millisi AÇ-2025-in seçmə mərhələsində İngiltərə, Şimali İrlandiya, Lüksemburq, Serbiya və Ukrayna ilə birlikdə F qrupunda mübarizə aparacaq.
