Bu gün AFFA İntizam Komitəsinin növbəti iclası keçirilib, tədbirdə İkinci Liqanın 10-cu turunun oyunları ilə bağlı bəzi qərarlar qəbul olunub.
Arena.az həmin qərarların siyahısı ilə sizi də tanış edir:
“Füzuli” – “Saatlı-Araz” oyununda “Saatlı-Araz” komandasında 4 nəfər sarı vərəqə aldığına görə “Saatlı-Araz” komandası 70 manat cərimə edilib.
“Lerik” – “Kür-Araz” oyununda “Lerik” komandasının 4 futbolçusu sarı vərəqə aldığına görə sözügedən klub 70 manat cərimə edilib.
“Ağdaş” – “Şahdağ Qusar” oyununda “Ağdaş”ın azarkeşləri tərəfindən pirotexniki vasitədən istifadə edildiyinə görə sözügedən klub 150 manat cərimə edilib.
“Göygöl” – “Şəfa” oyununun 83-cü dəqiqəsində “Göygöl”ün futbolçusu Elşən Mirzəyev qeyri-etik ifadə və ya hərəkətə görə birbaşa qırmızı vərəqə aldığı üçün 3 oyun cəzalanıb. “Göygöl” komandası buna görə 200 manat cərimə edilib. Oyun Təcili Tibii Yardım avtomobilinin gec gəlməsi səbəbindən gec başladığı üçün “Göygöl” komandası 100 manat cərimə edilib.
