Bu gün AFFA İntizam Komitəsinin növbəti iclası keçirilib. Arena.az xəbər verir ki, aparılmış müzakirələrdən sonra Azərbaycan Kubokunun 1/4 final məthələsinin oyunları ilə bağlı aşağıdakı qərarlar qəbul edilib:
“Qarabağ” – “Sabah” oyununun 78-ci dəqiqəsində “Qarabağ”ın futbolçusu Riçard Almeyda ciddi qayda pozuntusuna görə birbaşa qırmızı vərəqə aldığı üçün 1 oyun şərti olmaqla 2 oyun cəzalanıb. Ağdam klubu buna görə 1500 manat cərimə edilib. Sınaq müddəti 3 ay təyin edilib.
“Qəbələ” – “Araz-Naxçıvan” oyununda “Araz-Naxçıvan”ın 4 futbolçusu sarı vərəqə aldığına görə Naxçıvan klubu 700 manat cərimə edilib.
“Neftçi” – “Sumqayıt” oyununda “Neftçi”nin 6 futbolçusu sarı vərəqə aldığına görə paytaxt klubu 700 manat cərimə edilib. “Sumqayıt”ın da 4 futbolçusu sarı vərəqə aldığına görə sözügedən klubu 700 manat cərimə ödəməli olacaq. Oyun bitdikdən sonra “Neftçi”nin azarkeşləri tərəfindən pirotexniki vasitədən istifadə edildiyinə görə Bakı klubu 1500 manat cərimə edilib.
