Afrika Millətlər Kubokunda qrup mərhələsi başa çatdı

Futbol üzrə Afrika Millətlər Kubokunda qrup mərhələsinə yekun vurulub. Arena.az xəbər verir ki, Əlcəzairdə təşkil olunmuş budəfəki qitə birinciliyinin 12-cu oyun günündə daha iki qarşılaşma baş tutub.

D qrupu çərçivəsində Mavritaniya və Mali yığmaları üz-üzə gəliblər. Tək qolla qalib gələn mavritaniyalılar qrup lideri kimi 1/4 finala yüksəliblər.

E qrupunda isə Niger və Kamerun yığmaları qarşılaşıblar. Bu oyunda da nigerlilər yeganə qolla qələbə qazanıblar və lider kimi pley-offa vəsiqə qazanıblar. Kamerun yığması isə sürpriz şəkildə qrupda qalıb.

Xatırladaq ki, daha öncə Əlcəzair, Mozambik, Seneqal, Fil Dişi Sahili, Madaqaskar və Qana yığmaları da 1/4 finala vəsiqəni təmin etmişdilər.

Qrup mərhələsindən sonra turnirdə iki günlük fasilə yaranıb. 1/4 final mərhələsinin oyunlarına yanvarın 27-də start veriləcək. İlk dəfə Əlcəzairin ev sahibliyi etdiyi Afrika Millətlər Kubokunda mübarizəyə fevralın 4-də keçiriləcək final qarşılaşması ilə yekun vurulacaq.

Afrika Millətlər Kuboku
Qrup mərhələsi
24 yanvar

D qrupu

Mavritaniya – Mali 1:0
Qol: Mamadu İbrahima, 53.

Xal: Mavritaniya – 3. Anqola – 2. Mali – 1.

E qrupu

Niger – Kamerun 1:0
Qol: Badamassi, 69.

Xal: Niger – 4. Kamerun – 3. Konqo – 1.

Beləliklə, 1/4 finalda Əlcəzair Fil Dişi Sahiliylə, Seneqal Mavritaniya ilə, Madaqaskar Mozambiklə, Niger isə Qana ilə üz-üzə gələcək. Oyunların təqvimini təqdim edirik:

1/4 final
27 yanvar

20:00. Əlcəzair – Fil Dişi Sahili
23:00. Seneqal – Mavritaniya

28 yanvar

20:00. Madaqaskar – Mozambik
23:00. Niger – Qana