“Kəpəz”in hücumçusu Amil Yunanov Azərbaycan Premyer Liqasının 21-ci turunda “Araz-Naxçıvan”a qarşı keçirdikləri ev oyununu şərh edib.
Arena.az-a müsahibə verən 31 yaşlı futbolçu komandasının 3:1 hesablı qələbəsi ilə bağlı danışıb:
- Oyunla bağlı təəssüratlarınız necədir?
- Çətin və maraqlı oyun oldu. Şükürlər olsun ki, qələbə qazandıq. Çalışıb, bu qələbələrin davamını gətirmək istəyirik.
- “Araz-Naxçıvan”a nəyin sayəsində qalib gəldiniz?
- Kollektiv olaraq birləşib, mübarizə apardıq. Sona kimi vahid bir komanda kimi yaxşı mübarizə aparanda, nəticələr də olur.
- Millinin mart ayındakı toplanışına dəvət gözləyirsiniz?
- İndi əsas fikrimi klubdakı çıxışıma yönəltmişəm. Amma millidən dəvət gələrsə, sevinərəm.
Xatırladaq ki, Amil Yunanov sözügedən matçın 63-cü dəqiqəsində meydana daxil olub və 69-cu dəqiqədə komandasının 3-cü qolunu vurub.
Nahid Məmmədov
