Ançelotti AÇ-2024-lə bağlı gözləntilərini paylaşdı

“Real”ın baş məşqçisi, italyan mütəxəssis Karlo Ançelotti 2024-cü il Avropa çempionatı ilə bağlı gözləntilərini paylaşıb.

Arena.az “Madrid Universal” dərgisinə istinadən, italyan mütəxəssisin bu barədə fikirlərini təqdim edir:

“Mən Almaniyanı evdə izləməkdə çox maraqlıyam, onların maraqlı komandası var. İtaliya? Düşünürəm ki, son yarışda qalib gəldikdən sonra nəsil dəyişikliyini əldən verdik, ona görə də imkanlarımızın nə ola biləcəyini bilmirəm”, deyə Ançelotti bildirib.

2024-cü il Avropa çempionatının final mərhələsi Almaniyada keçiriləcək və düz bir ay – iyunun 14-dən iyulun 14-dək davam edəcək. Yarışın oyunlarına Almaniyanın 10 şəhərinin 10 stadionu ev sahibliyi edəcək.

Xatırladaq ki, Avropa çempionatının hazırkı qalibi İtaliya yığmasıdır.