“Real”ın baş məşqçisi Karlo Ançelotti “qaymaqlılar”ın braziliyalı cinah hücumçusu Rodriqo haqda axmaq sualı böyük səbrlə cavablayıb.
Arena.az AS dərgisinə istinadən məlumat verir ki, italyan mütəxəssisə Rodriqonun “Real”ın digər oyunçularına paxıllıq edib-etmədiyi haqda sual ünvanlanıb.
Ançelotti isə səbrlə bu sualı dinləyib və cablayıb: “Əgər bu baş verərsə, əlbəttə ki, mən bunu fərq edəcəyəm. Amma indi, mən belə bir xüsus görmürəm. Paltardəyişmə otağında çox yaxşı və sağlam ab-hava var. Çiyinlərində buna görə böyük məsuliyyət daşıyan futbolçular var. Bunlara Vinisius və Rodriqo daxildirlər. Bunlar daha gənc olmayan gənc oğlanlardır”, deyə italyan mütəxəssis vurğulayıb.
Xatırldaq ki, futbol ictimaiyyətinin böyük təəccübünə rəğmən, Rodriqo ötən mövsümün ən yaxşı oyunçusuna təqdim ediləcək “Qızıl top” mükafatına namizədlər siyahısında yer almayıb, amma “qaymaqlılar”ın digər aparıcı futbolçuları müvafiq siyahıya daxil ediliblər.
Rodriqo Qoes “Santos”un yetirməsidir. Braziliyalı vinger “Real”a 2019-cu ilin iyulunda 45 milyon avro məbləğ müqabilində elə, “Santos”dan keçib. Tərəflər arasında müqavilənin müddəti 2028-ci ilin iyun ayının sonuna qədər qüvvədədir. Braziliyalı ulduzun müqaviləsindəki təzminat məbləği isə 1 milyard avrodur.
Artıq geridə qalmış 2023/2024-cü illər mövsümündə Rodriqo “Real”ın heyətində bütün yarışlarda 51 oyun keçirib, 17 qol vurub və 9 məhsuldar ötürmə verib.
Braziliyalı vinger cari mövsümdə “qaymaqlılar üçün 5 oyuna 1 qol və 1 məhsuldar ötürmə ilə fərqlənib.
Rodriqo “Real”da çıxış etdiyi müddətdə 221 oyuna çıxıb, 55 qol vurub, 42 məhsuldar ötürmə verib.
Rodriqo “Real”la İspaniya La Liqasının (2019/2020, 2021/2022, 2023/2024), İspaniya Kral Kubokunun (2022/2023), İspaniya Super Kubokunun (2019/2020, 2021/2022, 2023/2024), Çempionlar Liqasının (2021/2022, 2023/2024), UEFA Super Kubokunun (2022/2023, 2024/2025), FIFA Klub Dünya Kubokunun (2023) qalibi olub.
Rodriqo Qoes 2019-cu ilin noyabrında debüt etdiyi Braziliya millisində 29 oyuna 7 qol vurub, 1 məhsuldar ötürmə verib.
“Transfermarkt” internet-portalı 23 yaşlı braziliyalı sağ vinger Rodriqo Qoesin transfer dəyərini 110 milyon avro məbləğində qiymətləndirir.
