Futbol üzrə Azərbaycan millisinin müdafiəçisi Anton Krivotsyuk Polşanın “Visla” (Plotsk) komandasında növbəti matçına çıxıb. Arena.az xəbər verir ki, onun komandası Polşa çempionatının 25-ci turu çərçivəsində “Yagelloniya” ilə üz-üzə gəlib.
Futbolçumuzun komandası bu rəqiblə səfərdə qarşılaşıb və 1:0 hesabıyla qalib gəlib.
Anton Krivotsyuk bu matça start heyətdə başlayıb və sonadək oynayıb. O, 48-ci dəqiqədə sarı vərəqə ilə də cəzalanıb.
Plotsk “Visla”sı 25 turdan sonra 36 xalla 18 kollektiv arasında 7-ci pillədə qərarlaşıb.
