Premyer Liqanın “Mançester Yunayted”ə qarşı 3-cü tur səfər oyununda qələbə (3:0) “Liverpul”un baş məşqçisi Arne Slot üçün əlamətdar olub.
Arena.az “Squawka” dərgisinə istinadən məlumat verir ki, niderlandlı mütəxəssis bu qələbə sayəsində 88 il öncəki nəticəni təkrarlayıb.
Slot İngiltərə çempionatları tarixində son 88 ildə Mançesterə ilk səfərində “qırmızı şeytanlar” üzərində qələbə qazanmış ilk “Liverpul” çalışdırıcısı olaraq adını tarixə yazıb. Slota qədər, İngiltərə çempionatları tarixində Mançesterə ilk səfərində “qırmızı şeytanlar” üzərində 1936-cı ildə qələbə qazanmış ingilis mütəxəssis Corc Keydən sonra, kimsə müvafiq uğura nail ola bilməmişdi.
3 turdan sonra “Liverpul” Premyer Liqanın yarış cədvəlində 9 xalla 2-ci pillədə, şərti lider qismindədir. 9 xal toplamış “Mançester Siti” “qırmızılar”ı yalnız top fəri ilə üstələyərək 1-ci pillədə qərarlaşıb.
Arne Slot “Liverpul”un sükanı arxasında cari ilin iyul ayından fəaliyyətdədir. “Qırmızılar” 45 yaşlı niderlandlı mütəxəssislə müddəti 2027-ci ilin iyun ayının sonuna qədər qüvvədə olacaq müqavilə imzalayıblar.
