“Arsenal”ın baş məşqçisi Mikel Arteta UEFA Çempionlar Liqasının Liqa mərhələsinin 2-ci turunda PSJ-yə qarşı keçirdikləri oyunu şərh edib.
Arena.az BBC-yə istinadən, ispan mütəxəssisin 2:0 hesablı qələbə barədə fikrini təqdim edir:
“Mən oyunumuzdan tamamilə razıyam. Parlaq və fərdi güclü oyun nümayiş etdirən rəqiblə qarşılaşdıq. Top səndə olmayanda PSJ-yə qarşı duruş gətirmək çox çətindir.
Birinci hissədə çoxlu qol imkanları yaradaraq üstünlük saxladıq, amma ikinci hissədə hər şey azacıq fərqli getdi. Çox çalışıb-işləməli olduq, hətta gözlədiyimizdən də artıq. Çempionlar Liqasında tələblər daha yüksəkdir, amma əminəm ki, biz bu sınaqdan ləyaqətlə çıxa bildik”, deyə Arteta vurğulayıb.
2 turdan sonra “Arsenal” Çempionlar Liqasının ümumi mərhələsinin yarış cədvəlində 4 xalla 8-ci pillədə, PSJ isə 1 xalla 17-ci pillədə qərarlaşıb.
