“Arsenal”ın baş məşqçisi Mikel Arteta İngiltərə Premyer Liqasının 1-ci turunda “Vulverhempton” üzərində qələbəni (2:0) şərh edib.
Arena.az “Arsenal”ın rəsmi saytına istinadən, ispan mütəxəssisin bu barədə fikrini təqdim edir:
“Xüsusilə oyunun əvvəlində, birinci hissədə biz həqiqətən yaxşı idik. Çox aqressiv, çox fəal, hücumameyilli, çox sürətli, cərimə meydançasına təhdiddə çox təhlükəli idik. Çoxlu qol imkanları yaratdıq. Bəlkə də iki-üç qol vura bilərdik, oyun isə azacıq fərqli olardı. İkinci hissədə azacıq səliqəsizləşdiyimiz və oyuna nəzarət edə bilmədiyimiz məqamlar oldu, xüsusən də bəzi dəyişikliklərlə bu komandaya qarşı işimizi çətinləşdirə bilərdi. Sonra isə oyun açıldı və Bukayo Saka inanılmaz surətdə hesabı 2:0 etdi. Ardınca isə fərqli oyun yaşandı”, deyə Arteta açıqlayıb.
1-ci turdan sonra “Arsenal” 3 xalla İngiltərə Premyer Liqasının 3-cü pilləsində qərarlaşıb. Xalsız “Vulverhempton” isə 18-ci pillədə yer alıb. Premyer Liqanın yarış cədvəlinə 3 xalla “Brayton” başçılıq edir.
