Futbol üzrə Avropa çempionatı davam edir. Arena.az xəbər verir ki, bu gün AÇ-2020-nin 1/4 final mərhələsinə start verilib. İlk oyun günündə iki qarşılaşma keçirilib.
1/8 final mərhələsində dünya çempionatının son qalibi Fransanı mübarizədən kənarlaşdıraraq, sürprizə imza atan İsveçrə yığması bu dəfə İspaniya millisi ilə qarşılaşıb. Rusiyanın Sankt-Peterburq şəhərində keçirilən matçın əsas vaxtında qalib müəyyənləşməyib. Əlavə vaxtda da hesab dəyişmədiyindən, penalti seriyasına ehtiyac duyulub. 11 metrlik zərbələri daha dəqiq yerinə yetirən ispanlar ilk yarımfinalçı olublar.
Günün digər matçı Almaniyanın Münhen şəhərində baş tutub. Burada turnirin favoritlərindən olan Belçika və İtaliya milli komandaları üz-üzə gəliblər. Üç qolun qeydə alındığı matç italyanların qələbəsiylə başa çatıb. Beləcə, İtaliya yığması yarımfinala yüksələrək İspaniya millisinə rəqib olub.
1/4 final mərhələsinin digər görüşləri sabah keçiriləcək.
Avropa çempionatı
1/4 final
2 iyul
İsveçrə – İspaniya 1:1 (penaltilər 1:3)
Qol: C.Şakiri, 68 – D.Zakariya, 8-öz qapısına.
Qırmızı vərəqə: R.Froyler, 77.
Baş hakim: Mayk Oliver (İngiltərə)
Sankt-Peterburq. “Zenit” stadionu.
İsveçrə: 1. Yan Zommer, 3. Silvan Vidmer, 4. Niko Elvedi, 5. Manuel Akanci, 6. Denis Zakariya, 7. Bril Embolo, 8. Remo Froyler, 9. Haris Seferoviç, 13. Rikardo Rodriqes, 14. Stiven Zuber, 23. Cerdan Şakiri (k).
Ehtiyat oyunçular: 12. İvon Mvoqo, 21. Qreqor Kobel, 2. Kevin Mbabu, 11. Ruben Varqas, 15. Cibril Sou, 16. Kristian Fassnaxt, 17. Loris Benito, 19. Mario Qavranoviç, 20. Edimilson Fernandes, 22. Fabian Şer, 25. Eray Cömert, 26. Cordan Lotomba.
Baş məşqçi: Vladimir Petkoviç.
İspaniya: 23. Unai Simon, 2. Sesar Aspilikueta, 4. Pau Torres, 5. Serxio Buskets (k), 7. Alvaro Morata, 8. Koke, 11. Ferran Torres, 18. Jordi Alba, 22. Pablo Sarabiya, 24. Aymerik Laporte, 26. Pedri.
Ehtiyat oyunçular: 1. David De Xea, 13. Robert Sançes, 3. Dieqo Lyorente, 6. Markos Lyorente, 9. Xerard Moreno, 10. Tyaqo Alkantara, 12. Erik Qarsiya, 14. Xose Qaya, 16. Rodri, 19. Dani Olmo, 20. Adama Traore, 21. Mikel Oyarzabal.
Baş məşqçi: Luis Enrike.
Belçika – İtaliya 1:2
Qol: R.Lukaku, 45+2-pen – N.Barella, 31. L.İnsinye, 44.
Baş hakim: Slavko Vinçiç (Sloveniya)
Münhen. “Alyans Arena”.
Belçika: 1. Tibo Kurtua, 2. Tobi Alderveyreld, 3. Tomas Vermalen, 5. Yan Vertongen (k), 6. Aksel Vitsel, 7. Kevin De Bruyne, 8. Yuri Tilemans, 9. Romelu Lukaku, 15. Tomas Munye, 16. Torqan Hazard, 25. Jeremi Doku.
Ehtiyat oyunçular: 12. Tomas Kaminski, 13. Mats Sels, 4. Dedrik Boyata, 11. Yannik Karrasko, 14. Dris Mertens, 18. Ceyson Denayer, 19. Leander Dendonker, 20. Kristian Benteke, 22. Naser Şadli, 23. Miçi Batşuayi, 24. Leandro Trossard, 26. Dennis Praet.
Baş məşqçi: Roberto Martines.
İtaliya: 21. Canluici Donnarumma, 2. Covanni Di Lorentso, 3. Corco Kyellini (k), 4. Leonardo Spinatsola, 6. Marko Verratti, 8. Jorjinyo, 10. Lorentso İnsinye, 14. Federiko Kyeza, 17. Çiro İmmobile, 18. Nikola Barella, 19. Leonardo Bonuççi.
Ehtiyat oyunçular: 1. Salvatore Siriqu, 26. Aleks Meret, 5. Manuel Lokatelli, 9. Andrea Belotti, 11. Domeniko Berardi, 12. Matteo Pessina, 13. Emerson, 15. Françesko Açerbi, 16. Brian Kristante, 20. Federiko Bernardeski, 23. Alessandro Bastoni, 25. Rafael Toloy.
Baş məşqçi: Roberto Mançini.
