Ayaz Quliyev oynamadı, “Arsenal” ÇSKA ilə oyundan 1 xalla ayrıldı

Futbol üzrə Rusiya Premyer Liqasında 7-ci turun oyunları keçirilib. Arena.az xəbər verir ki, azərbaycanlı futbolçu Ayaz Quliyevin formasını geyindiyi “Arsenal” (Tula) da növbəti matçına çıxıb.

Sözügedən kollektiv doğma meydanda Moskva ÇSKA-sı ilə qarşılaşıb. Ayazın komandası bu oyundan heç-heçə ilə ayrılıb – 2:2.

Quliyev bu görüşün iştirakçısı olmayıb. Onun adı qarşılaşmanın iştirak ərizəsinə də daxil edilməyib.

“Arsenal” geridə qalan 7 turda 5 xal toplayıb və 16 kollektiv arasında 15-cidir.