Qadın voleybolçulardan ibarət Azərbaycan millisinin kapitanı Ayşən Abduləzimova Macarıstan kubokunun qalibi olub. Arena.az xəbər verir ki, blokçumuzun komandası “Vaşaş” finalda “Bekeşçaba” kollektivi ilə qarşılaşıb.
Gərgin keçən qarşılaşmada “Vaşaş” bu rəqibinə 3:2 (23:25, 25:14, 22:25, 25:19, 17:15) hesabı ilə qalib gəlib. Nəticədə “Vaşaş” Macarıstan kubokuna sahib çıxıb.
Final oyununda millimizin və “Vaşaş”ın kapitanı da qələbədə əsas pay sahiblərindən biri olub. Belə ki, Ayşən Abduləzimova 14 xal (hücum – 8 xal, 57 faiz, blok – 5 xal, eys – 1 xal) qazanıb.
