19 yaşadək futzalçılardan ibarət Azərbaycan millisi Avropa çempionatının (AÇ-2025) seçmə mərhələsinə yanvarda start verəcək.
Arena.az bu barədə Azərbaycan Futzal Federasiyasının rəsmi saytına istinadən xəbər verir.
Reytinq cədvəlinin 27-ci sırasında qərarlaşan komandamız bu dəfə ilkin mərhələdən yarışacaq.
Komandalar artıq səbətlərə bölünüb. Püşkatma isə oktyabrın 31-də keçiriləcək. Azərbaycan millisi öz qrupunun birinci komandası olacaq. Reytinq cədvəlində yer alan 35 komandadan 10-u ilkin mərhələdə iştirak edəcək. Onlar 3 səbətə bölünəcəklər. Səbətlərdən ikisində 3, birində 4 komanda yer alacaq. Yalnız qrup birinciləri əsas mərhələyə vəsiqə qazanacaq.
İlkin mərhələnin oyunları gələn il yanvarın 21-dən 26-dək keçiriləcək. Əsas mərhələdə isə 28 komanda 4 qrupda mübarizə aparaxaq. Bu mərhələnin oyunları 25-30 mart tarixlərində keçiriləcək. Yekunda qrup qalibləri final mərhələsinə yüksələcək.
AÇ-2025-in final mərhələnin oyunları gələn il 28 sentyabr – 5 oktyabrda Moldovanın paytaxtı Kişinyovda təşkil olunacaq.
1-ci səbət
Gürcüstan
Azərbaycan
Şimali Makedoniya
2-ci səbət
Kosovo
Litva
Cəbəllütariq
3-cü səbət
Malta
Almaniya
San Marino
Estoniya
