Qadın futbolçulardan ibarət Azərbaycan millisi dünya çempionatının seçmə mərhələsində bu gün növbəti oyununa çıxıb. Arena.az xəbər verir ki, komandamız Bakıda Rusiya yığması ilə qarşılaşıb.
“Dalğa Arena”da baş tutan qarşılaşmanı Rumıniyadan olan hakimlər briqadası idarə edib.
Siyasət Əsgərovun rəhbərlik etdiyi kollektiv əvvəlki dörd oyunun hamısından məğlub ayrılmışdı. Azərbaycan millisi Rusiya (0:2), Monteneqro (0:2), Danimarka (0:8) və Maltaya (1:2) uduzmuşdu. Rusiya yığması isə ardıcıl dörd oyundur qalib gəlirdi. Komandamız bu oyunda da böyük hesabla məğlub olub.
Qrupun digər matçında Danimarka yığması səfərdə Bosniya və Herseqovinaya 3:0 hesabıyla qalib gəlib. Sabah isə Malta millisi Monteneqronu qəbul edəcək.
DÇ-2023-ün seçmə mərhələsi
E qrupu
25 noyabr
Azərbaycan – Rusiya 0:4
Qol: Marina Fyodorova, 16. Alsu Abdullina, 28. Alena Andreyeva, 43. Marqarita Çernomırdina, 90+5.
Hakimlər: İonela Alina Peşu, Petruta Klaudia Yuqulesku, Mihaela Elena Tepusa, Kristina Mariana Trandafir (hamısı Rumıniya).
Bakı. “Dalğa Arena”.
Azərbaycan: 1. Aytac Şərifova, 3. Jalə Məhsimova (11. Vüsalə Seyfəddinova, 53), 4. Nigar Mirzəliyeva, 5. Ayşən Əhmədova, 7. Manə Mollayeva (17. Vüsalə Hacıyeva, 78), 9. Sevinc Cəfərzade (k), 10. Kristina Bakarandze, 16. Nazlican Parlak (19. Sona Rəhimova, 84), Alina Dorofeyeva (23. Yeliz Acar, 46), 20. Peritan Bozdağ, 21. Aysun Əliyeva (6. Bilge Su Koyu, 53).
Ehtiyat oyunçular: 12. Günay İsmayılova, 22. Nərgiz Əliyeva, 2. Diana Məmmədova, 8. Milana Rəhimova, 13. Nərgiz Hacıyeva, 14. Coşqunə Əliyeva, 15. Kamilla Məmmədova.
Baş məşqçi: Siyasət Əsgərov.
Rusiya: 1. Tatyana Şerbak, 2. Natalya Morozova, 6. Alena Andreyeva (23. Lina Yakupova, 62), 8. Alsu Abdullina, 10. Nadejda Smirnova (19. Marqarita Çernomırdina, 72), 11. Elina Samoylova, 14. Kristina Maşkova, 16. Yana Şeyna, 17. Marina Fyodorova (4. Alena Ruzin, 46), 20. Nelli Korovkina (k) (9. Natalya Maşina, 62), 22. Viktoriya Kozlova (5. Natalya Perepeçina, 72).
Ehtiyat oyunçular: 12. Elvira Todua, 21. Diana Ponomaryova, 3. Yuliya Bessolova, 7. Mariya Qalay, 13. Vera Simanovskaya, 15. Tatyana Petrova, 18. Ekaterina Pantyuxina.
Baş məşqçi: Yuri Krasnojan.
Xal durumu: Danimarka – 15, Rusiya – 15, Monteneqro – 6, Malta – 4, Bosniya və Herseqovina – 1, Azərbaycan – 0.
