Azərbaycan yığmasının Millətlər Liqasındakı rəqibləri bəlli oldu

Bu gün futbol üzrə Azərbaycan yığmasının UEFA Millətlər Liqasının 2024/2025 mövsümündəki rəqibləri müəyyənləşib.

Arena.az xəbər verir ki, turnirin püşkatma mərasimi Fransanın paytaxtı Paris şəhərində təşkil olunub.

Bakı vaxtı ilə saat 21:00-da başlayan püşkatma mərasimində Azərbaycan yığması C Liqasının 2-ci səbətində yer almışdı. Millimiz həmin liqanın 1-ci, 3-cü və 4-cü səbətindəki komandalarla bir qrupda yer alacaqdı.

Püşk nəticəsində Azərbaycan yığması C Liqasının 1-ci qrupunda İsveç, Slovakiya və Estoniyaya rəqib olub.

Qeyd edək ki, UEFA Millətlər Liqasında 2024/2025 mövsümü sentyabrın 5-7-də keçiriləcək ilk turun oyunları ilə start götürəcək. Növbəti mövsümün final mərhələsi 2025-ci ilin 4-8 iyununda baş tutacaq.

UEFA Millətlər Liqası
2024/2025 mövsümü

A Liqası

1-ci qrup: Xorvatiya, Portuqaliya, Polşa, Şotlandiya

2-ci qrup: İtaliya, Belçika, Fransa, İsrail

3-cü qrup: Niderland, Macarıstan, Almaniya, Bosniya və Herseqovina

4-cü qrup: İspaniya, Danimarka, İsveçrə, Serbiya

B Liqası

1-ci qrup: Çexiya, Ukrayna, Albaniya, Gürcüstan

2-ci qrup: İngiltərə, Finlandiya, İrlandiya, Yunanıstan

3-cü qrup: Avstriya, Norveç, Sloveniya, Qazaxıstan

4-cü qrup: Uels, İslandiya, Monteneqro, Türkiyə

C Liqası

1-ci qrup: İsveç, Azərbaycan, Slovakiya, Estoniya

2-ci qrup: Rumıniya, Kosovo, Kipr, Litva-Cəbəllütariq cütünün qalibi

3-cü qrup: Lüksemburq, Bolqarıstan, Şimali İrlandiya, Belarus

4-cü qrup: Ermənistan, Farer adaları, Şimali Makedoniya, Latviya

D Liqası

1-ci qrup: Litva – Cəbəllütariq cütünün məğlubu, San Marino, Lixtenşteyn

2-ci qrup: Moldova, Malta, Andorra