Azərbaycanın veteran cüdoçuları Sloveniyanın Podçetrtek şəhərində təşkil olunmuş Avropa çempionatında daha altı medal qazanıblar.
Arena.az xəbər verir ki, usta cüdoçular arasında Avropa çempionatının fərdi yarışlarına ötən gün yekun vurulub.
8-10 iyunda keçirilən çempionatda Azərbaycan cüdoçuları 7 yaş kateqoriyası üzrə 36 idmançı ilə təmsil olunub.
Fərdi yarışların sonuncu günündə M1 və M2 yaş kateqoriyası üzrə 12 cüdoçumuz medallar uğrunda mübarizə aparıblar. M1 yaş kateqoriyası üzrə -66 kq çəkidə Rəşid Şəmizadə və M2 yaş kateqoriyası üzrə +100 kq çəkidə Vasif İbrahimov gümüş medala sahib olub. M1 yaş kateqoriyası üzrə +100 kq çəkidə Qurban Məmmədli, M2 yaş kateqoriyası üzrə -66 kq çəkidə Vüqar Babayev, -73 kq çəkidə Məmməd Məmmədov və +100 kq çəkidə Ruslan Əliyev bürünc medal qazanıblar.
Bununla da Azərbaycanın veteran cüdoçuları Avropa çempionatında qazandıqları medalların sayını 11-ə çatdırıblar. İdmançılarımız yarışda ümumilikdə 4 qızıl, 2 gümüş və 5 bürünc medal əldə ediblər. Nəticələrə görə, veteranlarımız çempionatı ümumi hesabda 7-ci, kişilər arasında isə 5-cü yerdə başa vurublar.
Xatırladaq ki, daha öncə bu Avropa çempionatında aşağıdakı cüdoçularımız da medal qazanmışdılar:
M3 yaş kateqoriyası
-81 kq. Zülfüqar Hüseynov – qızıl medal
M4 yaş kateqoriyası
-60 kq. Babək Hacıyev – qızıl medal
-73 kq. Vüqar Budaqov – qızıl medal
M6 yaş kateqoriyası
+100 kq. Qabil Qasımov – bürünc medal
M7 kateqoriyası
-90 kq. Fərhad Rəcəbli – qızıl medal
Azərbaycan yığması Avropa çempionatına bütövlükdə 36 idmamç ilə yollanmışdı. Veteranlardan ibarət komandamıza baş məşqçi Fərhad Rəcəbli rəhbərlik edib.
