Qadınlardan ibarət futbol üzrə Azərbaycan millisi Türkiyənin “Antalyaspor” komandası ilə daha bir yoxlama oyununda üz-üzə gəlib.
Arena.az bu barədə AFFA-nın mətbuat xidmətinə istinadən xəbər verir.
Xəbərdə vurğulanır ki, qadınlardan ibarət Azərbaycan millisi oktyabrın 5-dən Türkiyənin Antalya şəhərində təlim-məşq toplanışındadır.
Millimiz hazırlıq çərçivəsində “Antalyaspor”un qadınlardan ibarət komandası ilə yoxlama oyunu keçirib. “Titanic Deluxe Belek Football Center”də baş tutmuş oyunda qapılara 2 qol vurulub. Millimiz yekunda 2:0 hesablı qələbəyə sevinib. Komandamızın heyətində 20-cı dəqiqədə Nigar Mirzalıyeva, 70-ci dəqiqədə isə Kristina Bakarandze fərqləniblər.
Qeyd edək ki, Azərbaycan millisinin hazırlıq prosesinə məhz bu yoxlama oyunu ilə yekun vurulub.
