Azərbaycan millisi Daşkənddə hazırlıq keçir

Gələcək beynəlxalq yarışlara hazırlığı davam etdirən cüdo üzrə kişilərdən ibarət Azərbaycan milli komandasının üzvləri hazırda Özbəkistandadır.

Arena.az xəbər verir ki, paytaxt Daşkənd şəhərində təşkil olunan beynəlxalq təlim-məşq toplanışında aparıcı cüdoçularımız iştirak edirlər.

Beynəlxalq Cüdo Federasiyasının təşkilatçılığı ilə baş tutan məşqlərə Azərbaycan cüdoçuları ilə yanaşı digər ölkələrin yığmaları da qatılıb. Onların arasında Fransa, Yaponiya, Koreya, Monqolustan, Almaniya, Rusiya, İtaliya, Braziliya, Çexiya, Ukrayna, Özbəkistan, İspaniya, Gürcüstan, Hollandiya, Qazaxıstan da var.

Qeyd edək ki, cüdoçularımız mart və aprel aylarında Tiflis və Antalyada təşkil olunacaq “Böyük Dəbilqə” yarışında, eləcə də Portuqaliyada keçirilıcək Avropa çempionatında mübarizə aparacaqlar.