İspaniya La Liqasının 4-cü turunda “Valyadolid”ə qarşı ev oyununda 7:0 hesablı qələbə “Barselona” üçün əlamətdar olub.
Arena.az məlumat verir ki, müvafiq hesablı qələbə sayəsində “blauqrana” 8 il öncəki klub rekordunu təkrarlayıb.
Kataloniya təmsilçisi sonuncu dəfə rəsmi oyunda 7 top fərqi ilə 2016-cı ilin dekabr ayının 21-də qalib gəlmişdi. Bu, İspaniya Kral Kubokunda “Erkules”lə oyuna təsadüf etmişdi – 7:0.
İspaniya La Liqasında isə “Barsa” sonuncu dəfə 7 və ya daha çox top fərqi ilə 2016-cı ilin aprel ayının 20-də “Deportivo”ya (8:0) qalib gəlib. “Baluqrana”nın evdə sonuncu 7:0 hesablı qələbəsi 2014-cü ilin mart ayının 16-da “Osasuna” ilə oyuna təsadüf edir.
4 turdan sonra “Barselona” 12 xalla İspaniya La Liqasının yarış cədvəlinin vahid lideridir.
