Futbol üzrə İspaniya kubokunda 1/8 final mərhələsinə yekun vurulub. Arena.az xəbər verir ki, sonuncu oyun günündə daha iki qarşılaşma baş tutub.
“Real” “Elçe”nin, “Barselona” isə “Atletik”in qonağı olub. Madrid təmsilçisi çətin qələbə sayəsində 1/4 finala yüksəlib. Kataloniya klubu isə beş qolun qeydə alındığı oyundan məğlubiyyətlə ayrılıb və kubokla vidalaşıb.
Xatırladaq ki, “Real” və “Atletik”dən öncə “Kadis”, “Rayo Valyekano”, “Malyorka”, “Valensiya”, “Betis” və “Real Sosyedad” da 1/4 finala yüksəlmişdi.
İspaniya kuboku
1/8 final
15 yanvar
Sportinq (Xixon) – Kadis 0:0 (penaltilər 2:4)
Jirona – Rayo Valyekano 1:2
Qol: Bernardo, 26 – S.Qvardiola, 45+1; 48.
Malyorka – Espanyol 2:1
Qol: Kubo, 32. Prats, 60 – Puado, 62.
16 yanvar
Atletiko (Baleares) – Valensiya 0:1
Qol: M.Andre, 1.
Betis – Sevilya 2:1
Qol: N.Fekir, 39. Kanales, 73 – P.Qomes, 35.
19 yanvar
Real Sosyedad – Atletiko (Madrid) 2:0
Qol: Yanuzay, 33. Sörlot, 47.
20 yanvar
Elçe – Real 1:2
Qol: Verdu, 103 – İsko, 108. Hazard, 115.
Atletik – Barselona 3:2
Qol: Muniain, 2; 105+1-pen. Martines, 86 – F.Torres, 20. Pedri, 90+3.
