Basketbol: Azərbaycan – Kosovo matçının başlama saatı dəyişdi

Basketbol üzrə dünya çempionatının təsnifat mərhələsi çərçivəsində keçiriləcək Azərbaycan – Kosovo oyununun başlama saatı dəyişdirilib.

Arena.az xəbər verir ki, bu barədə Azərbaycan Basketbol Federasiyasının mətbuat xidməti məlumat yayıb.

Xəbərdə bildirilir ki, bu qarşılaşma fevralın 25-də, günorta saatlarında baş tutacaq.

“Sərhədçi” İdman Mərkəzində təşkil olunacaq matçın startı 19:00-a planlaşdırılırdı. Lakin yeni açıqlamada bildirilir ki, Azərbaycan – Kosovo oyunu saat 14:00-da başlayacaq.

Qeyd edək ki, Azərbaycan millisi təsnifat mərhələsində ilk oyununu fevralın 22-də İsveçrəyə qarşı keçirəcək. Səfər görüşünə Bakı vaxtı ilə saat 22:00-da start veriləcək.

Basketbol üzrə dünya çempionatı 2027-ci ildə Qətərdə keçiriləcək.