Qadınlardan ibarət basketbol üzrə Azərbaycan millisi bu gün Avropa çempionatının seçmə mərhələsində növbəti oyununa çıxıb.
Arena.az xəbər verir ki, yığmamız səfərdə Bolqarıstan komandası ilə üz-üzə gəlib.
Plovdiv şəhərindəki “Kolodrum Arena”da təşkil edilmiş oyunda komandamız növbəti məğlubiyyətinə üzülüb. Millimiz 40:120 hesabı ilə uduzub.
Xatırladaq ki, Azərbaycan millisi Bolqarıstan yığmasına qarşı keçirdiyi ev oyununda 48:141 da hesabı ilə məğlub olmuşdu. Komandamız bu qrupda Monteneqroya (62:104) və Ukraynaya (34:98) da uduzub. Yığmamız yer aldığı E qrupunda 4 xalla sonuncu – dördüncü sırada qərarlaşıb. Qrupa 8 xala malik Bolqarıstan yığması liderlik edir. Ukraynanın 5, Monteneqronun 4 xalı var.
Qeyd edək ki, basketbol üzrə növbəti Avropa çempionatının final mərhələsi 2027-ci ildə təşkil ediləcək.
