Azərbaycanın kişilərdən ibarət basketbol üzrə milli komandası Türkiyənin İstanbul şəhərində təlim-məşq toplanışına start verib.
Arena.az xəbər verir ki, komanda baş məşqçi Tahir Baxşıyevin rəhbərliyi altında gündə iki dəfə olmaqla həm fiziki, həm də taktiki məşqlər edir.
Fevralın 21-nə qədər davam edəcək təlim-məşq toplanışına bu basketbolçular qatılıblar:
Amil Həmzəyev, Orxan Aydın, Zaur Paşayev, Endər Poladxanlı, Nəzər Quliyev, Əkbər Məmmədov, Kamran Məmmədov, Ulaş Turgut, Cəbrayıl Əkbərov, Elşad Şirzadov, Şirzad Şirzadov, Fikrət Ələkbərov, Rəşid Abbasov, Səid İsmayılov, Sadettin Donat, Ercan Donat.
Millimizin digər iki üzvü Zek Ledey və Donta Hol komandaya İsveçrədə qoşulacaqlar.
Hazırlıq prosesinin sonunda məşqçilər korpusu tərəfindən 12 basketbolçu yekun heyətə cəlb olunacaq.
Qeyd edək ki, bu toplanış 2027-ci ildə Qətərdə keçiriləcək basketbol dünya çempionatının təsnifat mərhələsinin oyunlarına hazırlıq məqsədi daşıyır. Azərbaycan yığması təsnifat mərhələsində ilk görüşünü fevralın 22-də, Bakı vaxtı ilə saat 22:00-da səfərdə İsveçrəyə qarşı keçirəcək. Millimizin ikinci oyunu isə fevralın 25-də Bakıda Kosovo yığmasına qarşı olacaq.
