Kərim Benzemanın vəkili Hyu Vijye bildirib ki, hücumçu Fransanın daxili işlər naziri Cerald Darmaneni məhkəməyə verə bilər.
Arena.az “Le Parisien” dərgisinin Hyu Vijyeyə istinadı əsasında məlumat verir ki, Benzema Cerald Darmaneni, futbolçunu terror təşkilatı ilə əlaqədə təqsirləndirdiyinə görə, məhkəməyə vermək hüququna malikdir:
“Biz bu nazirə qarşı iddiaları nəzərdən keçiririk. Məsələn, hökumətimiz üçün qiymətli olan məlumatların manipulyasiyası haqqında qanunun tətbiqi… və böhtan və ya hətta ictimai təhqir. Çünki bu, “Müsəlman Qardaşlar” ilə mövcud olmayan əlaqə açıq-aşkar alçaldıcı bir şey kimi təqdim edilir. Hakimiyyətdə olanların sırf fürsətçiliyə görə hər şeyi etməyə icazə verildiyinə inanmaları qəbuledilməzdir”, deyə vəkil bildirib.
Xatırladaq ki, Kərim Benzema müsəlmandır. O, İsraillə hərbi münaqişə mənzərəsində Fələstin xalqına dəstəyini ifadə etmişdi. Bunun müqabilində Fransanın daxili işlər naziri Cerald Darmanen “Əl-İttihad”ın və Fransa yığmasının ulduz hücumçusunu “Müsəlman Qardaşlar” terror təşkilatı ilə keçmiş əlaqələrdə təqsirləndirmişdi.
