Almaniyanın “Bohum” klubu heyətini yeni futbolçu ilə gücləndirib. Arena.az xəbər verir ki, Bundesliqa təmsilçisi İngiltərənin “Arsenal” klubunun müdafiəçisi Xordi Osey-Tutunu transfer edib.
Bu barədə Almaniya klubunun rəsmi saytı məlumat yayıb. İngiltərədən olan 23 yaşlı futbolçu yeni klubu ilə 3 illik müqaviləyə imza atıb. “Arsenal”la müqaviləsinin müddəti bitən müdafiəçi Bundesliqa təmsilçisinə azad agent kimi keçib.
Xordi Osey-Tutu daha öncə də “Bohum”da çıxış edib. O, 2019/20 mövsümündə icarədə oynadığı bu komandanın heyətində 22 oyuna çıxıb, 5 qol və 3 məhsuldar ötürmə ilə yadda qalıb. “Arsenal” sözügedən oyunçunu sonralar “Kardiff Siti”, “Nottingem Forest” və “Roterhem Yunayted”ə də icarəyə verib.
