Qazaxstan yığmasının baş məşqçisi Stanislav Çerçesov rusiyalı qapıçı Matvey Safonovun PSJ-dəki çıxışı ilə bağlı fikrini paylaşıb.
Arena.az xəbər verir ki, keçmiş qapıçı olan Çerçesov həmyerlisinin Fransa klubundakı karyerası barədə bunları söyləyib:
“Matvey anlaşılan keyfiyyətlərə malikdir. Siz ki onun milli komandada kimin rəhbərliyi altında debüt etdiyini xatırlayırsınız. Onda da bu keyfiyyətləri yerində idi. İndi isə o, yüksək səviyyəli kluba gəlib. Matvey özünü sübut etməli idi, üstəlik, əlahəzrət fürsətin özü ona kömək etməli idi. Safonov fürsətini qazandı. Mənə elə gəlir ki, o, bundan yaxşı istifadə etdi. Qalanını isə zaman göstərəcək”, deyə rusiyalı mütəxəssis vurğulayıb.
Stanislav Çerçesov həm də Matvey Safonovla PSJ-nin italyan qapıçısı Canluici Donnarummanın səviyyəsini müqayisə edib:
“Mən, ikisi də birdir, deyərdim. Amma biz Donnarummanı 17 yaşından bəri ən yüksək səviyyədə görmüşük. Üstəlik o, Avropa çempionatının ən yaxşı oyunçusu kimi tanınıb. Bu, öz-özünə baş vermir. Buna görə də təkrar edirəm – Matvey öz keyfiyyətlərini qoruyub artırmalı, üstəlik öz oyunu ilə baş məşqçini qidalandırmaqda davam etməlidir”.
Rusiyalı məşqçi Vladislav Radimov da Matvey Safonovun PSJ-yə keçidi haqda söhbət açıb:
“Donnarummanın orada olduğunu bilərək, Safonovun PSJ-yə keçmək cəsarətini qeyd edərdim. Bu, nə qədər qazanacağınızdan asılı olmayaraq, artıq asan deyil, çünki əvvəlcə ikinci qapıçı kimi gəldiyiniz güman edilir. Şübhəsiz ki, onun daha təvazökar, amma birinci qapıçı olmaq seçimləri vardı. Bu baxımdan onun qərarı hörmətəlayiqdir”, deyə Radimov vurğulayıb.
Xatırladaq ki, Safonov 2024-cü ilin yayında Fransa nəhənginə qoşulub. O, Paris təmsilçisinin heyətində cəmi 8 oyuna çıxıb, 6 qol buraxıb, 3 görüşdə isə qapısını toxunulmaz saxlayıb.
