Futbol üzrə Azərbaycan yığmasının hücumçusu Rüfət Dadaşov Almaniyanın “Şalke” klubunun ikinci komandasında növbəti matçına çıxıb. Arena.az xəbər verir ki, o, Almaniyanın Qərb Regional Liqasının 3-cü turu çərçivəsində baş tutan “Lippstadt”la matçın iştirakçısı olub.
“Şalke” bu rəqiblə doğma meydanda qarşılaşıb. Dörd qolun qeydə alındığı matç futbolçumuzun komandasının məğlubiyyəti ilə başa çatıb – 1:3.
Rüfət Dadaşov bu görüşə start heyətdə başlayıb və sonadək mübarizə aparıb.
“Şalke”nin ikinci komandası bu nəticədən sonra 6 xalla 18 kollektiv arasında 7-ci pillədə qərarlaşıb.
