Futbol üzrə DÇ-2022-nin Cənubi Amerika zonası üzrə seçmə mərhələsinin 10-cu turuun oyunları keçirilib. Arena.az xəbər verir ki, lider Braziliya yığması bu turda Venesuelanı məğlub edib – 3:1.
Turnir cədvəlinin 2-ci pilləsində yer alan Argentina Paraqvayla qarşılaşıb. Bu matçda qapılara qol vurulmayıb. Uruqvay – Kolumbiya görüşü də qolsuz yekunlaşıb.
Ekvador yığması isə doğma meydanda Boliviyanı 3 cavabsız qolla üstələyib.
Turun son matçında Peru və Çili milli komandaları üz-üzə gəliblər. Görüş Perunun 2:0 hesablı qələbəsiylə başa çatıb.
DÇ-2022-nin seçmə mərhələsi
10-cu tur
8 oktyabr
Paraqvay – Argentina 0:0
Uruqvay – Kolumbiya 0:0
Venesuela – Braziliya 1:3
Qol: Erik Ramires, 11 – Markinyos, 71. Qabriel Barbosa, 85-pen. Antoni, 90+5.
Ekvador – Boliviya 3:0
Qol: Mikael Estrada, 14. Enner Valensiya, 17; 19.
Peru – Çili 2:0
Qol: Kristian Kueva, 35. Serxio Penya, 64.
Turnir cədvəlində vəziyyət belədir:
- Braziliya – 27
- Argentina – 19
- Ekvador – 16
- Uruqvay – 16
- Kolumbiya – 14
- Paraqvay – 12
- Peru – 11
- Çili – 7
- Boliviya – 6
- Venesuela – 4
