Qətərdə təşkil olunmuş futbol üzrə dünya çempionatı (DÇ-2022) davam edir. Arena.az xəbər verir ki, bu gün 1/8 final mərhələsinin daha iki oyunu keçirilib.
Günün ilk matçında Fransa və Polşa yığmaları üz-üzə gəliblər. “Əl-Tumama” stadionunda baş tutan bu qarşılaşmanı FİFA referisi Xesus Valensuela idarə edib. Dörd qolun qeydə alındığı matçdan inamlı qələbə ilə ayrılan fransızlar 1/4 finala yüksəliblər.
Digər oyun İngiltərə və Seneqal yığmaları arasında baş tutub. “Əl-Bayt” stadionunda keçirilən matçda əsas söz sahibi Salvadordan olan FİFA referisi İvan Barton olub. İngiltərə yığması bu oyunda 3 cavabsız qolla qalib gəlib. Nəticədə sözügedən komanda yarımfinala vəsiqə uğrunda Fransa yığmasıyla mübarizə aprmaq hüququ qazanıb.
Xatırladaq ki, daha öncə Niderland və Argentina yığmaları 1/4 finala yüksəlmişdilər. Bu iki komandada da yarımfinala vəsiqə uğrunda məhz bir-birinə rəqib olublar.
DÇ-2022
1/4 final
4 dekabr
Fransa – Polşa 3:1
Qol: Olivye Jiru, 44. Kilian Mbappe, 74; 90+1 – Robert Levandovski, 90+9-pen.
Baş hakim: Xesus Valensuela (Venesuela).
“Əl-Tumama” stadionu.
Fransa: Uqo Loris (k), Jül Kunde, Dayo Upamekano, Rafael Varan, Teo Ernandes, Orelyen Çuameni, Adrien Rabyo, Antuan Qrizmann, Kilian Mbappe, Usman Dembele, Olivye Jiru.
Polşa: Voyçex Şensnı, Bartoş Bereşinski, Kamil Qlik, Metti Keş, Pşemıslav Frankovski, Yakub Kivyor, Qjeqoj Krıxovyak, Robert Levandovski (k), Pyotr Zelinski, Sebastian Şimanski, Yakub Kaminski.
İngiltərə – Seneqal 3:0
Qol: Cordan Henderson, 38. Harri Keyn, 45+3. Bukayo Saka, 57.
Baş hakim: İvan Barton (Salvador).
“Əl-Bayt” stadionu.
İngiltərə: Cordan Pikford, Kayl Uoker, Luk Şou, Deklan Rays, Con Stounz, Harri Maquayr, Cordan Henderson, Harri Keyn (k), Bukayo Saka, Fil Foden, Cud Bellingem.
Seneqal: Eduard Mendi, Pate Siss, Bulaye Dia, Abdu Diallo, Nampali Mendi, İsmail Yakobs, Krepin Diatta, Kalidu Kulibali (k), İliman Ndiaye, İsmaila Sarr, Yussuf Sabali.