Qətərdə təşkil olunmuş futbol üzrə dünya çempionatı (DÇ-2022) davam edir. Arena.az bu gün mundialda 1/4 final mərhələsinə yekun vurulub. Mərhələnin sonuncu oyun günündə də iki qarşılaşma keçirilib.
Günün ilk matçında Portuqaliya millisi turnirin sürpriz komandası Mərakeş yığmasını sınağa çəkib. “Əl Tumama” stadionunda baş tutan bu matçı argentinalı FIFA referisi Fakundo Telyo idarə edib. Minimal hesabla qalib gələn Mərakeş yığması daha bir sürprizə imza atmaqla yarımfinala yüksəlib.
Sonuncy oyunda isə İngiltərə və Fransa yığmaları üz-üzə gəliblər. “Əl Bayt” stadionundakı görüşün baş hakimi braziliyalı Uilton Sampayo olub. Üç qolun qeydə alındığı qarşılaşmanın yekununda sevinən tərəf Fransa yığması olub.
Xatırladaq ki, 1/4 finalın ötən gün baş tutan oyunlarında Xorvatiya Braziliyanı, Argentina isə Niderlandı məğlub edərək yarımfinala yüksəlmişdi. Beləliklə, yarımfinalda Argentina Xorvatiyanı, Fransa isə Mərakeşi sınağa çəkəcək. Bu oyunlar müvafiq olaraq 13 və 14 dekabrda keçiriləcək.
Dünya çempionatın dekabrın 18-də keçiriləcək final oyunu ilə yekun vurulacaq. Bundan bir gün öncə isə üçüncü yer uğrunda qarşılaşma baş tutacaq.
DÇ-2022
1/4 final
10 dekabr
Mərakeş – Portuqaliya 1:0
Qol: Yussuf Ən-Nəsiri, 42.
Baş hakim: Fakundo Telyo (Argentina)
“Əl Tumama” stadionu.
Mərakeş: 1. Yassin Bunu, 2. Əşrəf Hakimi, 4. Sofyan Amrabat, 6. Romen Saiss (k), 7. Hakim Ziyeş, 8. Azzedin Unai, 15. Selim Amalla, 17. Sofyan Bufal, 18. Cavad Əl-Yamik, 19. Yussuf Ən-Nəsiri, 25. Yahya Attiyat Alla.
Portuqaliya: 22. Dioqo Kosta, 2. Dioqo Dalot, 4. Pepe (k), 4. Ruben Dias, 5. Rafael Gerreyro, 8. Bruno Fernandes, 10. Bernardo Silva, 11. Joao Feliks, 18. Ruben Neves, 25. Otavio Monteyro, 26. Qonsalo Ramos.
İngiltərə – Fransa 1:2
Qol: Harri Keyn, 54-pen – Orelyen Çuameni, 17. Olivye Jiru, 78.
Baş hakim: Uilton Sampayo (Braziliya)
“Əl Bayt” stadionu.
İngiltərə: 1. Cordan Pikford, 2. Kayl Uoker, 3. Luk Şou, 4. Deklan Rays, 5. Con Stounz, 6. Harri Maquayr, 8. Cordan Henderson, 9. Harri Keyn (k), 17. Bukayo Saka, 20. Fil Foden, 22. Cud Bellingem.
Fransa: 1. Uqo Lyoris (k), 4. Rafael Varan, 5. Jül Kunde, 7. Antuan Qrizmann, 8. Orelyen Çuameni, 9. Olivye Jiru, 10. Kilian Mbappe, 11. Usman Dembele, 14. Adrien Rabyo, 18. Dayo Upamekano, 22. Teo Hernandes.
