Bu gün final mərhələsi 2024-cü ildə keçiriləcək futzal üzrə dünya çempionatının (DÇ-2024) elit-raund mərhələsinin püşkatma mərasimi baş tutub.
Arena.az xəbər verir ki, UEFA-nın İsveçrənin Nyon şəhərindəki mənzi-qərargahında təşkil olunmuş püşkatmada Azərbaycan millisinin də rəqibləri müəyyənləşib.
A qrupunda yer alan Azərbaycan millisi Qazaxıstan, Rumıniya və Niderland komandaları ilə qarşılaşacaq. Bu mərhələnin oyunları dekabrın 20-dək yekunlaşacaq.
Komandamız elit-raunda səfər oyunu ilə başlayacaq və yekun nöqtəni də rəqib zalında qoyacaq.
Avropa zonasına 7 yer ayrıldığına görə, qrup qalibləri (5 komanda) final mərhələsinə birbaşa vəsiqə qazanacaq. Ən yaxşı göstəriciyə malik 4 “ikinci” pley-off oyunlarında iştirak edəcək və qalib gələn 2 milli də final mərhələsində gücünü sınayacaq.
DÇ-2024, elit–raund
A qrupu
Qazaxıstan
Rumıniya
Azərbaycan
Niderland
B qrupu
Ukrayna
Polşa
Serbiya
Belçika
C qrupu
Xorvatiya
Slovakiya
Fransa
Almaniya
D qrupu
İspaniya
İtaliya
Sloveniya
Çexiya
E qrupu
Portuqaliya
Gürcüstan
Ermənistan
Finlandiya
Elit-raund mərhələsinin oyunları 3 ay ərzində keçiriləcək. Tarixlər bu şəkildə müəyyənləşdirilib:
11-20 sentyabr
2-11 oktyabr
11-20 dekabr
Artıq Azərbaycan millisinin oyunlarının təqvimi də məlumdur. Yığmamızın bu mərhələdəki oyun cədvəli belə olacaq:
Sentyabr
Rumıniya – Azərbaycan
Azərbaycan – Niderland
Oktyabr
Azərbaycan – Qazaxıstan
Qazaxıstan – Azərbaycan
Dekabr
Azərbaycan – Rumıniya
Niderland – Azərbaycan
Qeyd edək ki, oyunların keçiriləcəyi günləri qrup iştirakçıları iyunun 16-dək öz aralarında razılaşdırmalıdırlar. Həmin tarixə qədər razılıq əldə olunmasa, UEFA oyun tarixlərini püşklə müəyyənləşdirəcək. Dekabrın 20-i qrup mərhələsi üçün sonuncu oyun günüdür.
Pley-off-da iştirak edəcək komandalar üçün gələn il yanvarın 25-də püşk atılacaq, matçlar isə ev və səfər prinsipi olmaqla gələn il 8-17 aprel tarixlərində keçiriləcək.
