Futbol üzrə Azərbaycan millisinin yarımmüdafiəçisi Dmitri Nazarov Almaniyanın “Ersgebirge” klubu ilə yeni müqavilə imzalayıb. Arena.az xəbər verir ki, 32 yaşlı futbolçu Aue təmsilçisi ilə 1 illik yeni sözləşməyə imza atıb.
Bu barədə sözügedən klubun rəsmi saytı məlumat yayıb. Tərəflər arasındakı əvvəlki müqavilə bu ilin 30 iyununa qədər idi.
Qeyd edək ki, “Ersgebirge” yeni mövsümdən 3-cü liqada oynayacaq. Aue təmsilçisi geridə qalan mövsümdə 2-ci Bundesliqada 34 oyuna cəmi 26 xal toplaya bildiyi üçün, 18 iştirakçı arasında 17-ci olub və aşağı liqaya düşüb.
Dmitri Nazarov 2016-cı ildən “Ersgebirge”də çıxış edir. O, daha öncə Almaniyada “Karlsrue”, “Proyssen Münster” klublarının da formasını geyinib. Yarımmüdafiəçi karyerasının ilk illərində isə “Kayzerslautern” və “Ayntraxt” (Frankfurt) klublarının ikinci komandalarında oynayıb.
2014-cü ildən Azərbaycan yığmasında çıxış edən Nazarov, millidə 40-dan çox oyun keçirib, 7 qola imza atıb.
