Dünya çempionatı: Osman Nurməhəmmədovdan qızıl medal!

Serbiyanın paytaxtı Belqradda 23 yaşadək güləşçilərin dünya çempionatı sona çatıb. Arena.az xəbər verir ki, altıncı yarış günündə 4 sərbəst güləşçimiz mübarizəyə qoşulub.

İntiqam Vəlizadə debütdə Fransa təmsilçisinə məğlub olub. Abubakr Abakarov isə səhhəti ilə bağlı problem yarandığı üçün xalçaya çıxmayıb.

Turan Bayramov startda Ukrayna idmançısına qalib gəlib. Güləşçimiz daha sonra rusiyalı rəqibinə məğlub olub. Bayramov noyabrın 7-də baş tutan ilk təsəlliverici görüşdə Almaniya idmançısına şans tanımayıb. Ancaq ikinci təsəlliverici görüşdə Moldova güləşçisinə məğlub olub.

Mübarizəyə 1/8 finaldan qoşulan Osman Nurməhəmmədov Moldova güləşçisi üzərində inamlı qələbə qazanıb. Milli üzvü Almaniya idmançısına da heç bir şans tanımayıb. Yarımfinalda İran pəhləvanından da güclü olan Osman adını finala yazdırıb. Həlledici görüşdə Rusiya güləşçisinə də gücünü göstərən Nurməhəmmədov ölkəmizə bu yarışda 3-cü qızıl medalı qazandırıb.

Dünya çempionatı

61 kq
Təsnifat: İntiqam Vəlizadə – Arman Eloyan (Fransa) 2:3

74 kq
Təsnifat: Turan Bayramov – Vadim Kirilenko (Ukrayna) 6:0
1/8 final: Turan Bayramov – Çermen Valiyev (Rusiya) 3:8
Təsəlliverici görüş: Turan Bayramov – Tino Rettinger (Almaniya) 7:0
Təsəlliverici görüş: Turan Bayramov – Vasile Diakon (Moldova) 5:6

86 kq
Təsnifat: Abubakr Abakarov – Səccad Qulami (İran) -:+

92 kq
1/8 final: Osman Nurməhəmmədov – Andrian Qrosul (Moldova) 8:0
1/4 final: Osman Nurməhəmmədov – Yohannes Mayer (Almaniya) 7:0
1/2 final: Osman Nurməhəmmədov – Əmirhüseyn Firuzpurbandpey (İran) 10:7
Final: Osman Nurməhəmmədov – Azamat Zakuyev (Rusiya) 4:2