“Nyukasl”ın baş məşqçisi Eddi Hau hesab edir ki, hakimlər oyunlar zamanı VAR-dan daha az istifadə etməlidirlər.
Arena.az “beIN Sports” dərgisinə istinadən ingilis mütəxəssisin bu barədə fikirlərini təqdim edir:
“VAR-a daha müraciət görmək istərdim. Bu sistemin oyundankənar vəziyyətlərə dair kömək etməsi ilə bağlı heç bir etirazım yoxdur, çünki qərarla razı olub-olmamağınızdan asılı olmayaraq, o hər şeyi yoluna qoymağa yaxındır. Bu xətlər oyundankənar olub-olmaması sualına aydın cavab verir. Amma əks halda mən bunun əleyhinəyəm.
Mən hələ də düşünürəm ki, bu, sadəcə bir insanın fikri ilə başqasının fikridir. Hər şey çox subyektivdir. VAR-dan daha az təsir görmək istərdim. Mən qətiliklə bu sistemə daha çox müraciət görmək istəməzdim, çünki bu, mənim fikrimcə, oyunu pozar.
Mənim üçün VAR ilə bağlı problem ondan ibarətdir ki, bu sistem ucbatında meydanda qərarlar daha az məna kəsb edir. Mən hələ də düşünürəm ki, bu məsələdə köhnə fikirli olsam da, hakimin meydanda verdiyi qərarlara bir az daha diqqət yetirməlisən, çünki hakimin oyunu hiss etməsi və oyuna nəzarəti var”, deyə Eddi Hau bildirib.
Xatırladaq ki, Haunun “sağsağanlar”ı noyabrın 29-da Çempionlar Liqasının qrup mərhələsinin 5-ci turu çərçivəsində PSJ ilə səfər oyununda (1:1) VAR sistemi tərəfindən rəsmən qarət ediliblər. Avropa futbol ictimaiyyətinin əksəri belə qənaətdədir. Belə ki, oyunun əsas vaxtına əlavə edilmiş təzminat dəqiqəsində (90+8), görüşün polşalı baş hakimi Şimon Martsinyak İngiltrə təmsilçisinin qapısına VAR-a müraciətdən sonra şübhəli penalti təyin etmiş, parislilərin ulduzu Kilian Mbappe isə fürsətdən istifadə edib bərabərlik qolunu vurmuşdu. Nəticədə “Nyukasl” Çempionlar Liqasının qrup mərhələsinin sonuncu, 6-cı turu ərəfəsində qrupdan ələmə mərhələsinə adlamaq imkanını öz əlindən verib. İndi “sağsağanlar”ın taleyi yalnız öz əllərində deyil. Bu məqam haqda narazılıqlar və müzakirələr hələ də davam edir.
