Eddi İsrafilov oynadı, komandası evdə uduzdu

Futbol üzrə İspaniya 2-ci liqasında 24-cü turun oyunları keçirilib.

Arena.az xəbər verir ki, Azərbaycan milli komandasının yarımmüdafiəçisi Eddi İsrafilovun formasını geyindiyi “Albasete” də növbəti matçına çıxıb.

Sözügedən kollektiv doğma meydanda “Malyorka” ilə qarşılaşıb. Futbolçumuzun komandası bu oyundan məğlubiyyətlə ayrılıb – 0:1.

İsrafilov da bu oyunun iştirakçısı olub. O, start heyətdə meydana çıxıb və 76-cı dəqiqədə əvəzlənib.

“Albasete” 24 oyuna topladığı 24 xalla 22 iştirakçı arasında 18-ci pillədə qərarlaşıb.