“Çelsi”nin və Fransa yığmasının sabiq futbolçusu Emmanuel Peti “zadəganlar”ın 2024/2025-ci illər mövsümü üçün heyəti haqda danışıb.
Arena.az xatırladır ki, daha əvvəl yay mövsümlərarası fasiləsində “Çelsi”nin italyan baş məşqçi Entso Mareskanın komandasında 40-dan çox futbolçunun məşq etdiyi, bəzi oyunçuların isə ümumi dəstədən ayrı çalışdığı haqda məlumat yayılmışdı.
“Transfer pəncərəsinin son günündə Ceydon Sanço ilə müqavilə imzaladıqlarını görəndə onun üçün forma nömrəsinin qalıb-qalmadığını düşündüm.
Təsəvvür edin ki, o, paltardəyişmə otağının qapısını açır və bu qədər oyunçu görür. Onların hamısı bir paltardəyişmə otağına sığmır! Onların məşq düşərgəsində iki oyunçu otağı, üç meydança və 12 fizioterapevt olmalıdır.
Mən “Çelsi”nin paltardəyişmə otağında oyunçu olsaydım, özümə çoxlu suallar verərdim. Məsələn, paltardəyişmə otağında 40-45 oyunçu olduğuna görə bura gəlməklə düzgünmü etdim? Əvvəllər gülürdüm, amma indi başa düşürəm ki, bu, gülmək üçün səbəb deyil, axı 45 futbolçu ilə necə məşq etmək olar? Mütləq say 25-dir və bu, artıq kifayətdir.
Paltardəyişmə otağında oyunçular arasında bir iyerarxiya qurmalıyıq. Əgər 45-i olanda bütün oyunçuları eyni səviyyəyə qoysanız, bu, məşqçi üçün bir qarışıqlıq və cəhənnəm olacaq.
Bardaq! Xosep Qvardiola, Yurgen Klopp, Karlo Ançelottidən, dünyanın bütün ən yaxşı məşqçilərindən soruşsanız, tanrının hər günü 45 oyunçunu məşq etdirməkdən məmnun olarlarmı, sizə gülərlər”, – Emmanuel Peti bildirib.
İngiltərə Premyer Liqasının yenicə başlamış cari mövsümündə “Çelsi” bu qədər futbolçusu ilə 3 turdan sonra 4 xal qazanıb və yarış cədvəlində 11-ci pillədə qərarlaşıb.
