Beynəlxalq dərəcəli hakimlərimiz Ernest və Emil Ağakişi qardaşları Avropa Həndbol Federasiyasından (EHF) yeni təyinat alıblar.
Arena.az xəbər verir ki, təcrübəli referilər qadınlar arasında Avropa Kubokunun 1/8 final mərhələsinin matçında ədaləti təmsil edəcəklər.
Söhbət Şimali Makedoniyanın “Yorçe Petrov” və Çexiyanın “Hazena Kinzvart” komandaları arasında keçiriləcək görüşdən gedir.
Yanvarın 13-də Skopye şəhərində keçiriləcək qarşılaşma “Avtokomanda” İdman Zalında təşkil olunacaq.
