“Arsenal”ın və “Çelsi”nin keçmiş futbolçusu Eşli Koul İngiltərə Premyer Liqasının Şöhrət Zalına daxil edilib.
Arena.az bu barədə İngiltərə Premyer Liqasının mətbuat xidmətinə istinadən məlumat verir.
İngilis futbolçu 2024-cü ildə Şöhrət Zalına daxil edilmiş ilk oyunçu olub.
Eşli Koul “Arsenal”ın yetirməsidir. İngilis sol cinah müdafiəçisi “topçular”ın heyətində 1998-ci ildə debüt edib. 2006-cı ildə Koul “Çelsi”yə keçib və 2019-cu ildə “Derbi Kaunti”nin oyunçusu kimi futbolçu karyerasını bitirib.
Eşli “Arsenal”la 2 dəfə İngiltərə Premyer Liqasının qalibi olub, İngiltərə Kubokunu və İngiltərə Super Kubokunu qazanıb. “Çelsi” ilə isə Koul həm İngiltərə Premyer Liqasının qalibi olub, həm də Avropa səhnəsində qənimətlər qazanıb – Çempionlar Liqası və Avropa Liqasının qalibi olub.
İngiltərə Premyer Liqasının Şöhrət Zalı 2021-ci ildə təsis edilib və Premyer Liqada çıxış etmiş görkəmli futbolçulara həsr edilib.
