“Fənərbaxça” “Qalatasaray”la oyuna ciddi itki ilə çıxacaq

“Fənərbaxça” ciddi itki ilə üzləşib.

Arena.az xəbər verir ki, Super Liqa təmsilçisinin yarımmüdafiəçisi Dimitrios Pelkas zədələnib.

Bu barədə İstanbul klubunun mətbuat xidməti məlumat yayıb. Yunan futbolçu zədə səbəbindən 2-3 həftə yaşıl meydanlardan uzaq qalacaq.

Pelkas “Fənərbaxça”nın Super Liqanın 23-cü turu çərçivəsində “Qalatasaray”a qarşı keçirəcəyi matçı buraxmalı olacaq. İstanbul derbisi fevralın 6-da baş tutacaq.

Pelkas bu mövsüm “Fənərbaxça”da 20 oyunda 5 qol vurub, 6 məhsuldar ötürmə edib.